БИДНИЙ ТУХАЙ


Товч танилцуулга

Бид 2007 оноос эхлэн Амьдралын даатгал буюу урт хугацааны даатгалаар мэргэшин ажиллаж байна. Амьдралын даатгал нь хүний амь нас, эрүүл мэндэд эрсдэл тохиолдвол түүнээс үүсэх санхүүгийн хүндрэлийг даван туулахад дэмжлэг үзүүлдэг. Мөн урт хугацаанд даатгалын хамгаалалттайгаар мөнгөн хуримтлал үүсгэж зорилгоо биелүүлэх хөшүүрэг болдог.

Бид хэрэглэгч, харилцагч бүрийнхээ хэрэгцээ шаардлагад нийцсэн даатгалын бүтээгдэхүүнийг санал болгохыг зорин ажиллаж байна. Амьдралын даатгалтай гэр бүлд гэнэтийн зүйл гэж үгүй тул аливаа бэрхшээл тулгарахад сэтгэл зүй, санхүүгийн хувьд үргэлж бэлтгэл байдаг. Энэхүү бэлтгэлээ хангахад тань бид туслахад хэзээд бэлэн байх болно.

“Нэйшнл Лайф Даатгал” ХХК-ийн хамт олон

Бүтэц зохион байгуулалт

Санхүү эдийн засгийн газар

Санхүү эдийн засгийн газар нь хөрөнгө оруулалт, нягтлан бодох бүртгэлийн ажлыг хариуцдаг.

Даатгалын газар

Даатгалын газар нь амьдралын даатгалын зөвлөх үйлчилгээг үзүүлэх чиглэлээр ажиллаж байна.

Андеррайтингийн газар

Андеррайтингийн газар нь даатгалын бүтээгдэхүүний хураамжийн тооцоолол болон нөхөн төлбөр олгох ажлыг гүйцэтгэж байна.

Захиргааны газар

Захиргааны газар нь компанийн хэвийн үйл ажиллагааг хангахад чиглэн ажилладаг.

Эрхэм зорилго

Хэрэглэгч, ажилтан, хувьцаа эзэмшигч үнэ цэнийг хамтран бүтээж, үр шимийг хүртэнэ.

Алсын хараа

Иргэн амь насаа алдах, өвдөх, өндөр наслах үед өрхийн орлогыг тасалдахаас хамгаалах, урт хугацааны хуримтлал үүсгэх хэлбэрээр санхүүгийн тогтвортой байдлыг бүрдүүлэх үйлчилгээгээр тэргүүлэх компани болно

Үнэт зүйлс

  • Management - Үнэн зөв мэдээлэл, хатуу сахилга батад суурилсан менежмент нь амжилтын суурь
  • Initiative- Асуудлын шийдлийг байнга эрэлхийлэх, санаачлах нь амжилтын хөшүүрэг
  • Human Resource- Нэгдмэл зорилготой, чадварлаг хүний нөөц бол амжилтын түлхүүр



Онцлох үйл явдал

  1. 2007

    Монголын анхны амьдралын даатгалын компани болж байгуулагдав.

  2. 2007

    Энэтхэг улсын J.B Boda&Co.Pvt даатгалын зөвлөх компанитай хамтран ажиллаж амьдралын даатгалын үйл ажиллагааг эхлүүлэх суурийг тавив.

  3. 2008

    Германы Munich Re компанитай хамтран ажиллаж, компанийн найдвартай ажиллагааг баталгаажуулав.

  4. 2008

    Урт хугацааны даатгалын үйл ажиллагаа эрхлэх тусгай зөвшөөрөл авч даатгалын салбарт нэгэн шинэ хуудсыг нээлээ.

  5. 2008

    Амьдралын даатгалын үндсэн төрөл болох хугацаат амьдралын даатгал болон хуримтлалын даатгалыг зах зээлд нэвтрүүллээ.

  6. 2008

    Олон улсын эмнэлгийн болон аяллын түргэн тусламжийн үйлчилгээ үзүүлэгч “International SOS" компанитай хамтран ажиллах гэрээ байгууллаа.

  7. 2009

    Монголд анх удаа урт хугацааны эрүүл мэндийн даатгалын бүтээгдэхүүнийг нэвтрүүлэв.

  8. 2010

    Бодит санд тулгуурласан хувийн тэтгэврийн даатгалын үйлчилгээг даатгалын салбарт анх удаа нэвтрүүлэв.

  9. 2011

    Өөрийн оффисийг шинээр барьж ашиглалтанд орууллаа.

  10. 2013

    "Энэр" эрүүл мэндийн даатгалыг зах зээлд танилцууллаа.

  11. 2014

    Тэнүүн амьдрал тэтгэврийн даатгалыг Төрийн банктай хамтран борлуулж эхэллээ.

  12. 2017

    Хорт хавдрын нэмэлт нөхцөлтэй амь насны даатгалыг зах зээлд нэвтрүүлж хамрах хүрээгээ нэмэгдүүлэв.

Санхүүгийн мэдээлэл

Санхүүгийн гол үзүүлэлтүүд 2015 он 2016 он 2017 он
Хураамжийн орлого 1,652,826.2 1,272,881.1 1,306,340.5
Нөөц сангийн хэмжээ 1,471,907.2 1,529,420.8 1,556,945.9
Нөхөн төлбөрийн хэмжээ 937,146.05 886,021.7 905,528.8
Нийт хөрөнгө 7,634,078.8 7,519,704.5 7,765,192.2
Төлбөрийн чадварын харьцааны үзүүлэлт 482.09% 458.26% 455.96%

Санхүүгийн тайлан татах

Төлөөлөн Удирдах Зөвлөл

Ж.Бат-Ирээдүй

ТУЗ-ийн дарга

Г.Монголхүү

ТУЗ-ийн гишүүн

Б.Баярцэнгэл

ТУЗ-ийн гишүүн

Ж.Эрдэнэням

ТУЗ-ийн гишүүн

Р.Ганчимэг

ТУЗ-ийн гишүүн

Б.Баярмаа

ТУ-ын хараат бус гишүүн



Нийгмийн хариуцлага

Амьдралын даатгалыг хөгжүүлснээр нийгмийн өмнө тулгамдсан олон асуудлуудыг шийдвэрлэх үүд хаалга нээгддэг. Тийм ч учраас бид нийгмийн хамгаалал нь зөвхөн төрийн үүрэг гэсэн ойлголтоос ард иргэдийг салгаж, тэдэнд санхүүгийн хувьд эрх чөлөөтэй амьдрахад нь дэмжлэг үзүүлэхийг зорин ажиллаж байна.

Компанийн нийгмийн хариуцлагын хүрээнд хийсэн ажлуудаас...

Монгол хүний амь нас эрүүл мэндийг санхүүгийн хувьд анх удаа бүрэн хамгаалалтад авснаар нийгмийн өмнө хүлээсэн хариуцлагаа итгэл төгс биелүүлж байна.

Нийслэл Улаанбаатар хотын маань өнгө үзэмж, агаарын бохирдлын тулгамдсан асуудлын тодорхой хувийг шийдвэрлэх “Үндэсний цэцэрлэгт хүрээлэн” байгуулах аянд манай хамт олон оролцож 350 ширхэг гацуур модыг хандивлалаа.

Иргэдийн орлого, худалдан авах чадварт ойртуулсан үнэ бүхий хүн, байгаль орчин, экологид ээлтэй, орчин үеийн хэрэгцээ шаардлагад нийцсэн орон сууцны хотхон, хэсэгчилсэн амины орон сууц барих төслийг дэмжин ажиллав.

Ядуурлын эсрэг хамтдаа сангаас зохион байгуулсан “Амьдрал үргэлж сайхнаараа” төслийн ивээн тэтгэгчээр ажиллаж, нийт 31 хүнийг амьдралын даатгалын хамгаалалтад авлаа




Хүний нөөц

  • Чадварлаг ажилтныг зөв ажлын байранд нь ажиллуулах
  • “Ажилтан бүр компанийн нэг чухал хэсэг” гэдэг зарчмыг баримтлан ажиллах
  • Ажилтнуудын гүйцэтгэх үүргүүдийг оновчтой хуваарилж, тодорхойлох, үүргийн биелэлтийн зөв, шударга үнэлгээг хэрэгжүүлэх
  • Ажилтныг урт хугацаанд тогтвор суурьшилтай, үр бүтээлтэй ажиллуулах цалин урамшууллын системийг бүрдүүлж, хэрэгжүүлэх
  • Ажилтныг ажил мэргэжлийн хувьд тасралтгүй, системтэй сургаж, хөгжүүлэх
  • Байгууллагын соёлыг зөв төлөвшүүлэх, ажлын таатай орчин нөхцөлд ажиллуулах
  • Санаачлагатай, Бүтээлч, Сурч хөгжих тэмүүлэлтэй, эерэг хандлагатай, зарчимч хамт олныг бүрдүүлэх


Сонгон шалгаруулалтын үе шат

Манай компанийн ажилтан сонгон шалгаруулах үйл явц нь тухайн ажлын байрны хэрэгцээ, шаардлагыг тодорхойлохоос эхэлнэ. Өргөдөл гаргагчдыг сонгон тухайн зарлагдсан ажлын байрны тодорхойлолтод заасан тавигдах шаардлагын дагуу сонгон шалгаруулна. Бид ажилтныг сонгон шалгаруулахдаа шударга, ил тодоор явуулдаг бөгөөд манай компанид ажилд орохыг хүссэн иргэн бүрд адил, тэгш боломжийг олгодог.

Ажилд орохыг хүссэн иргэдээс өргөдөл хүлээн авах хугацаа дуусмагц дараах байдлаар сонгон шалгаруулалт хийнэ.

1

Ирсэн өргөдлүүдэд анкетын шалгаруулалт хийнэ.

2

Анкетын шалгаруулалтад тэнцсэн өргөдөл гаргагчаас хандлага, темперамент, логик сэтгэлгээг тодорхойлох асуулгыг авна.

3

Анкетын шалгаруулалтад тэнцсэн өргөдөл гаргагчийг ярилцлагад урина.

4

Шаардлагатай гэж үзвэл мэргэжлийн шалгалт авна.

5

Өмнөх ажил олгогчдын тодорхойлолтыг шалган нягтлах зэрэг багтдаг.

6

Ажилд урина.

Нээлттэй ажлын байр






Дадлагажигч оюутны хөтөлбөр

Оюутнуудыг тодорхой шалгуураар сонгон авч, ажлын байран дээр тогтоосон хугацаанд үүрэг гүйцэтгүүлэн ажлын туршлага олгох замаар компанийн үзэл баримтлалд нийцсэн ажилтныг бэлтгэх улмаар нөөц бүрдүүлэх зорилготой Дадлагажигч оюутны хөтөлбөрийг хэрэгжүүлдэг.

Дадлагажигч оюутны хөтөлбөрийг тухай бүр компанийн веб сайт болон бусад сувгаар зарлана.

 Дадлагажигч оюутанд тавигдах үндсэн шаардлага:

  • Их дээд сургууль, коллеж, институтийг дөнгөж төгссөн эсвэл суралцаж буй 3, 4-р курсийн оюутан
  • Дадлагажих тухайн ажлын байрны тодорхойлолтод заасан мэргэжлээр сурч буй эсвэл төгссөн
  • Комьютерийн хэрэглээний програмуудыг зохих төвшинд эзэмшсэн
  • Удирдан зохион байгуулах чадвартай
  • Багаар ажиллах, бусадтай харилцах чадвар сайтай
  • Дадлагажих ажлын байрны онцлогоос хамааран бусад тусгай шаардлага

Дадлага хийх хүсэлтэй оюутан дараах материалыг бүрдүүлнэ.Үүнд:

  • Оюутны анкет /анкет татаж авах/
  • Сүүлийн 3 сарын дотор авахуулсан 1 хувь цээж зураг
  • Сургуулийн тодорхойлолт
  • Дадлагын удирдамж

Дадлага хийх хүсэлтэй оюутнуудын материалыг оффис дээрээ хүлээн авна.