Даатгагч дараах тохиолдолд нөхөн төлбөр олгохоос татгалзана:

1. Гуравдагч этгээдээс төлөгдөх зардлууд;
2. Нийгмийн даатгалын хөнгөлөлт буюу бусад даатгалаас авсан нөхөн төлбөр;
3. Боломжит түвшингээс давсан  зардал;
4. Зайлшгүй шаардлагатай бус эмчилгээний зардал;
5. Эмнэлгийн бус үйлчилгээний зардал: утас, факс, телевиз, радио, болон нэмэлт өрөөний үйлчилгээний хөлс болон эдгээртэй төстэй үйлчилгээнүүд;
6. Даатгалын хамгаалалт эхлэхээс өмнө төлөвлөгдсөн эмчилгээний зардал;
7. Даатгалын тусламж үйлчилгээний багцад хамаарагдахгүй төлбөрүүд болон ЭМД-ын гэрээний хугацаа дууссаны дараах зардлууд;
8. Даатгуулагч даатгалд хамрагдах хүсэлтийн хуудсанд урьд өмнө өвдөж байсан хууч өвчний талаарх мэдээллийг бүрэн өгч, даатгагч үүнийг хүлээн зөвшөөрч гэрээнд хамруулснаас бусад тохиолдолд урьд өмнө өвдөж байсан хууч өвчинтэй холбогдон гарах эмчилгээний зардал;
9. Даатгал үйлчлэх бүс нутгаас гадна хийгдсэн эмчилгээний зардал;
10. Урьдчилан сэргийлэх зорилгоор хийгдсэн эмчилгээ, эм тариа, даатгалын тохиолдлын улмаас бус хийгдсэн  цусны ерөнхий  шинжилгээ болон онош тогтоох эмчилгээ;
11. Рашаан сувилал, байгалийн болон усан эмчилгээний газар, урт хугацааны асрамжийн газар болон гэрээр хийгдсэн амралт сувилгааны эмчилгээ, үйлчилгээний зардлууд;
12. Хөдөлгөөнт заслын эмчилгээ хийгдсэн зардлууд;
13. Төрөлхийн гажиг, тэдгээрээс үүдэлтэй хүндрэлүүд;
14. Гоо сайхны болон пластик хагалгаа/эмчилгээ, хараа засах ажилбарууд/нүдний эвэрлэг хуулах, эвэрлэгийг авах хагалгаагаар хязгаарлагдахгүйгээр/, Харааны мэдрэл ба харааны замын эмгэг, судаслаг ба торлог бүрхүүлийн эмгэг, нүдний болрын эмгэг, глаукомаар хязгаарлагдахгүй хараа алдагдахтай холбоотой эмгэгүүд, ба шүдний урьдчилан сэргийлэх үзлэг
15. Төрөлтийг зохицуулахаар хэрэглэж буй мэс заслын механик эсвэл химийн гаралтай жирэмслэлтээс хамгаалах аргууд, жирэмслэлттэй холбоотой оношилгоо эмчилгээ, онош тогтоох зардлууд; 
16. Бэлгийн сулралын эмчилгээ, оношилгоо болон үргүйдэлтэй холбоотой эмчилгээ, зохиомлоор үр тогтоох эсвэл үр тогтоох чадваргүй болгох буюу стерилизаци;
17. ХДХВ-ын халдвар, ДОХ-ын өвчлөл болон түүнтэй холбоотой гарч болох оношилгоо эмчилгээний зардлууд болон генетикийн хувирал өөрчлөлт болон хувьслын дүнд үүссэн ямар нэгэн мутант;
18. Өнгөний өвчин, бэлгийн замаар халдварлах өвчин (нянгийн гаралтай өвчнүүдээс бусад), хөл хорио тогтоох, тусгаарлах шаардлагатай халдварт өвчнүүд;
    1. Энэ журмын 16.18-д заасан бэлгийн замаар халдварлах өвчин гэдэгт дор дурдсан өвчнүүдийг хамруулан ойлгоно.
       1. Төрөлхийн тэмбүү
       2. Бэлгийн херпес
       3. Бэлгийн үү
       4. Зөөлөн яр
       5. ДОХ/ХДХВ-н халдвар
    2. Энэ журмын 16.18-д заасан  бэлгийн замаар дамжих нянгийн гаралтай өвчин гэдэгт дор дурдсан өвчнүүдийг хамруулан ойлгоно.
       1. Тэмбүү өвчин
       2. Заг хүйтэн 
       3. Шээс бэлгийн замын трихомониаз
       4. Шээс бэлгийн замын хламидын халдвар     
19. Галзуу өвчин, зөнөгрөх өвчинтэй холбоотой эмчилгээний зардлууд. Сэтгэл мэдрэлийн өвчнүүд (солиорол, невроз (мэдрэлийн хямрал), бүх төрлийн сэтгэл гутрал, эмгэг айдаст өвчин, мэдрэлийн гаралтай хоолны дуршилгүй болох, эмгэг ховдоглох өвчин, шизофрени, зан үйлийн эмгэг өөрчлөлтүүд зэрэг бүх төрлийн сэтгэцийн өвчин эмгэгүүд);
20. Унтаж байх үеийн амьсгал тасалдах, хурхирах, нойргүйдэл, ховдоглох, бэтгэрэхтэй холбоотой эмчилгээ;
21. Юм ойлгох, хүлээн авах хэвийн бус байдал, хүндрэл, хэвийн бус хөгжил болон ярианы болон дуу хоолойн хүндрэлүүд;
22. Таргалалт, хоолны дэглэм, жин хасах, хүүхдийн тэжээл, нярайн хэрэгсэл, витамин /нийлмэл бус найрлагатай Д витамин болон тарилгын хэлбэрээр хийгдэж буй витамин хамаарахгүй/, минерал  болон органик бүтээгдэхүүн, биологийн идэвхт бүтээгдэхүүн, хүнсний нэмэлт бүтээгдэхүүнүүд мөн ам зайлах, шүдний оо, ариутгалын чанартай үрэл болон цацлага, хиймэл нулимс, нүд чийгшүүлэх зорилгоор хэрэглэх нүдний дусаагуур /зөвхөн ЭМЯ-с зөвшөөрсөн licemed программд бүртгэлтэй эмэнд олгох/ шампунь, нарны тос гэх мэт зүйлээр хязгаарлагдахгүйгээр эмчийн жороор олгогдохгүй бүтээгдэхүүний зардал;
23. Протез багаж хэрэгслүүд. Дараах ойлголтуудыг протез багаж хэрэгслүүдэд хамруулан ойлгоно:
    1. Сүүж-түнхний үе
    2. Өвдөгний үе
    3. Шагайн үе
    4. Сүүж-түнх, түнх, дунд чөмөг, шилбэ, шилбэний түгжээт хадаас
    5. Өвдөгний тулгууртай шилбэний протез
    6. Тавхай, тавхайн урд хэсэг
    7. Мөр, бугалга, тохой, шуу, сарвуу, хуруу
    8. Хиймэл шүд, эрүү
    9. Зүрхний хиймэл хавхлага
    10. Гавлын титан бүрхэвч
    11. Дунд чихний титан протез
    12. Шилэн нүд, хуванцар нүд, нүдний болор, нүдний уян болор
24. Амьд эд эсийг хөлдөөж хадгалах, донороос болон ижил биетээс эсэх нь үл хамааран амьд эд, амьд эсийг шилжүүлэн суулгах, дахин шилжүүлэн суулгах;
25. Архаг болон төгсгөлийн шатанд орсон диализийн аппаратад удаан хугацаанд тогтмол орох шаардлагатай бөөрний архаг дутагдал;
26. Хөгшрөлттэй холбоотой өвчлөлүүд. Үүнд: цэвэршилт, алцгеймер, ясны сийрэгжилт болон түүнтэй төстэй өвчлөлүүд;
27. Согтууруулах ундаа болон мансууруулах бодисоос хамааралтай өвчтөнийг эмчлэхэд гарсан эмчилгээний зардал, эдгээр нөхцөл байдлаас үүдэлтэй ямар нэгэн өвчлөл, гэмтэл бэртэлд гарах зардал;
28. Гэрийн асаргаа сувилгаа, асрах газрын болон хөнгөвчлөх эмчилгээний үеийн асаргааны зардал;
29. Даатгуулагч 28 долоо хоногоос дээш хугацаатай жирэмсний үед агаарын тээврээр нисэх үед гарсан хүндрэлээс үүдэлтэй эмчилгээний зардал;
30. Зам тээврийн ослоос өөр бусад хууль бус үйлдлийн шууд биш үр дагавраас үүссэн осол гэмтэл, өвчнөөс үүссэн зардал;
31. Мэргэжлийн спорт болон өөрийн сонирхол (хобби) ба зугаа цэнгэлийн зорилгоор аз туршсан аюултай спортын төрлөөр (уулын болон шүхрийн спорт, ууланд авирах, дельтаплан, агаарын бөмбөлгөөр хөөрөх, агаарын чөлөөт уналт, морины саадтай харайлт, цанаар харайх, усны цана, тээврийн хэрэгслээр уралдах, ан хийх, хоккей, тэшүүр, регби, агаарын тээвэр болон аеронавтикийн зориулалттай хэрэгслээр (тусгай зөвшөөрөлтэй иргэний агаарын тээврээр хөлс төлж зорчихоос бусад тохиолдол) нисэх, хичээллэх болон аялах үед бэртэж гэмтсэн, хөдөлмөрийн чадвараа алдсанаас үүссэн эмчилгээний зардал;
32. Амиа хорлох болон амиа хорлохыг завдсанаас, санаатайгаар бие эрхтэндээ гэмтэл учруулах, мансууруулах бодис болон согтууруулах ундаанд донтсоноос үүдсэн үйлдлийн үр дагавраас учирсан зардал;
33. Цөмийн зэвсгийн бодис болон цацраг идэвхт бодисын бохирдол, түүний түлш болон хаягдал, дэлбэрэлтээс  үүссэн өвчин эмгэгтэй холбоотой зардал, ихэнх тохиолдолд энэхүү хасалтыг хийхдээ дэлбэрэлт гэдэг нь өөрөө  дэлбэрэх порцессийг хэлнэ.
34. Зарласан болон зарлаагүй дайны шууд болон шууд бус үр дагавраас бий болсон осол бэртэл, эмчилгээ эсвэл эмчилгээний зардал, гаднын халдлага, иргэний дайн, бослого, ажил хаялт, нийгмийн эмх замбарааг алдагдуулсан үймээн самуун, иргэний дайн, хувьсгал, дайн байлдааны болон алан хядах үйл ажиллагаанд оролцсоны улмаас учирсан хохирол;
35. Судалгаа шинжилгээ болон туршилтын зорилгоор хийгдсэн бүх эмчилгээ үйлчилгээ, мөн эмнэлгийн бус газарт эсвэл даатгуулагчийн хамаатан төрөл садны эмнэлэгт хийсэн эмчилгээ, асаргаа, сувилгаа;
36. Эмчийн хайхрамжгүй байдал, хууль бус үйлдлээр хийгдсэн эмчилгээний үр дагавраас гарах эмчилгээ үйлчилгээний зардал;
37. Эмчийн заавар зөвлөгөөний дагуу хэрэглээгүй эм болон мансууруулах бодисийг /наркотик/ хэрэглэсний улмаас хийгдэх эмчилгээний зардал;
38. Эмчийн заалтгүй дурангийн шинжилгээний унтуулгын зардал; /0-17 насны хүүхдийн дурангийн шинжилгээний унтуулгын зардал хамаарахгүй/
39. Хөл хорио тогтоох, тусгаарлах шаардлагатай халдварт өвчнүүд (уг өвчин нь нийтийг хамрах боломжтой цар тахлын хэмжээний халдварт өвчин болохыг төрийн холбогдох байгууллага /Засгийн газар, Эрүүл мэндийн яам, Онцгой байдлын ерөнхий газар гэх мэт/-аас тогтоож, тодорхой хугацаагаар хөл хорио тогтоох шийдвэр гаргасан);